【 熊問答.六 】數碼港培育公司,真定假?

【 熊問答.六 】數碼港培育公司,真定假?

個個都話數碼港,唔通個個都係數碼港咩

🐼 上網見到好多間售賣機公司,呢個又話數碼港,嗰個又話數碼港,究竟邊個先係真㗎?

🐻 少年,你知唔知數碼港培育計劃係咩嚟㗎先?

🐼 老老豆豆,真係唔太清楚。

🐻 咁就等我話你知啦,顧名思義,數碼港培育計劃係由數碼港主辦,佢係一個專為本地創業家同初創企業(Startup)加快業務成長嘅一個計劃。要成為受培育公司,除咗要有一個健全的方案,仲要由一個獨立評審委員會共同選出,過程一啲都唔簡單㗎!

🐼 但係我點先可以知道邊個真、邊個假?

🐻 咁呢樣嘢就簡單喇,你可以去數碼港培育計劃個網頁,搵返「受培育公司及畢業生目錄」個搜尋器,再搵你想查證嗰間公司個名就得啦!

🐼 聽落好似都幾麻煩…

🐻 都估到你個死懶鬼會講呢句,預咗條 Link 畀你,接住啦!

🐼 Yeah,唔該晒!

searchcyberport.png

 

如果你都有嘢想問,可以去呢度舉手發問,我哋會不定期集氣回答㗎~

【品牌合作】Samsung Café 結合精品咖啡烘培靈感

【品牌合作】Samsung Café 結合精品咖啡烘培靈感

【 熊問答.五 】八達通 vs 流動支付

【 熊問答.五 】八達通 vs 流動支付